Giuventetgna da cuminanzas etnicas europeanas (GCEE/YEN)
"Viver la diversitad!" quai è il slogan da la GCEE. Tuna suenter secta, mo igl è nagina.
La GCEE è l'organisaziun da tetg per organisaziuns da giuventetgna da minoritads linguisticas da l'Europa (sco per exempel la GiuRu). La GCEE/YEN sa descriva sez sco rait dinamica dad uniuns per giuvenils en in'Europa multi linguala e multiculturala. La finamira principala da la GCEE è da lavurar per il mantegniment ed il svilup dals dretgs da las minoritads/ cuminanzas etnicas. La GCEE procura era per il barat e per activitads da las cuminanzas etnicas sin stgalim internaziunal.
La GCEE è in partenari cumpetent en dumondas che pertutgan dretgs da minoritads.
Commember da la GCEE po vegnir mintga organisaziun da cuminanzas europeicas in quala la lavur da giuventetgna è in punct central e in quala la lavur vegn era fatga da giuvenils.
Istorgia ed activitads
La GCEE è vegnida fundada l'onn 1984. Mintga onn vegnan organisads dus seminaris. In grond seminari, il "Seminari da Pasca" ha la finamira da mussar a las delegaziuns da las differentas organisaziuns la regiun e la situaziun da la organisaziun che organisescha mintgamai il seminari (fotos dals seminaris chattas ti sut "download").
Il seminari d' atun "Youth Leader Seminar" è pli pitschen e duess esser in seminari da lavur per la structura ed il svilup da la GCEE.
"Voices of Europe" è l'eveniment musical en l'onn da la GCEE.
Pagina uffiziala da la GCEE: www.yeni.org