Per il Tschaiver Rumantsch 2009 a Cuira tschertgan ils organisaturs texts litterars umoristics. Ils text inoltrads vegnan valitads d'ina giuria. Ils trais megliers vegnan alura prelegids d'ina persuna neutrala durant il Tschaiver Rumantsch a Cuira il favrer 2009. Las audituras ed ils auditurs pon vuschar per lur text preferì.

Il premi da CHF 1'000.00 vegn cumpartì en proporziun da las vuschs. Tut las auturas e tut ils auturs rumantschs èn cordialmain envidads da sa participar a la concurrenza.

Incumbensa

Creai in text umoristic da var 1 pagina A4 (max. 4000 segns) ed al inoltrai fin ils 31 da december 2008 a:
Comité d'organisaziun TR / president Lucian Bigliel / Via Wiesental 31 / 7000 Cuira / telefon 079 609 20 28 / lucian.bigliel@bluewin.ch