L'uniun "Radio Gonda" è vegnida schliada si. Il capital restant, anc 5'000 francs, è vegnì mess a disposiziun a la GiuRu. Quai sut la cundiziun che quests raps vegnan utilisads per projects da musica rumantscha.

La suprastanza da la GiuRu vul engraziar cordialmain a Radio Gonda ed ha fingia pudì reparter ina part dals raps. La GiuRu ha decidì da sustegnair suandants projects ord il "fond da musica":

• L'OpenAir Trun cun 666.66 francs
• In DC da l'agid grischun cunter SIDA Grischun cun 1'500 francs (ed anc 2'000 francs ord il budget regular da la GiuRu)
• L'uniun da giuventetgna Cumbel cun 500 francs per ina occurrenza per bands indigenas.

Ei resta pia anc adina ina buna part da quests raps per buns projects da musica da giuvens rumantschs e giuvnas rumantschas: Simplamain s'annunziar! Detagls formals chattas {cms_selflink page='70' text='qua'}.