"Inscunter" - uschia ha num il seminari d'atun che la GiuRu organisescha dals 12 als 16 d'october da quest onn a Laax. Envidads èn radund 50 giuvenils dad autras minoritads da tut l'Europa. Finns da la Svezia, Sorbs da la Germania, Fris da l'Ollanda e da la Germania, Bascs, Catalans, Occitans e blers auters pli…

Envidà es era Ti! E na be sco simpel giast - sco voluntari vesas Ti davos las culissas! Nus ans legrain da Ta vesair gia ils 3 da zercladur per l'emprima seduta cun tut il team d'organisaziun.

Nus ans chattain venderdi, ils 3 da zercladur (gün) 2005 a las 19.00 en il Buffet da la staziun a Cuira.