L’onn 2011, l’onn dal ventgavel anniversari da la da la GiuRu è passà. L’onn 2011 era per la GiuRu in fitg interessant onn, in onn cun ina massa eveniments. Perquai ans legrain nus dad envidar tut ils commembers a la radunanza generala. Ella ha lieu sonda, ils 18 da favrer 2012. Nus ans entupain en l’Engiadina, a Zernez. La radunanza cumenza las 16:00 en l'Hotel Bär. Suenter la radunanza datti ina tschaina cuminaivla, buna cumpagnia e la pussaivladad da star sur notg.

In dals temas principals da questa radunanza generala vegn ad esser la fin da las PUNTS respectivamain l’entschatta d’in nov project. Nus vulain gugent discutar fundamentalmain cun tut ils commembers tge nov accent che la GiuRu duai metter en il futur. Has ti ina idea per in project grond? Lura ve ed al preschenta a Zernez!

Plinavant sto la GiuRu eleger in nov president ed in nov actuar. Sco adina sa la GiuRu duvrar novs suprastants. Has ti gust da surprender responsabladad en la suprastanza? Vuls ti avair la pussaivladad da realisar projects tenor tes gust? Vuls ti procurar per nov vent en la GiuRu? Lura ve era ti a Zernez! Per dumondas stain nus sa chapescha a disposiziun: 077 / 429 94 42 (Gion-Andri Cantieni) u giuru@giuru.ch.