Sa chapescha: era quest onn ha giu lieu ina radunanza generala da la GiuRu. Collià però cun ina festa (organisada cun agid da la giuventetgna da Donat) ed in concert da la band Tartaruga.
Cul success da quel di ha la GiuRu pudì esser cuntent ed i ha dà ina saira fitg interessanta, productiva, ma er pachifica.

Impurtant: Suenter la demissiun dad Annatina Dermont e Martin Malgiaritta haja dà midadas ella suprastanza. Nov elegì èn Rafael Camenisch (enconuschent tras ses success litterar) e Pia Valär (enconuschent tras ses egls blaus). Ensemen cun Chatrina Josty (enconuschent tras sia lavur tar il radio), Martin Cantieni (enconuschent tras ses engaschi politic) ed Oliver Nyffeler (enconuschent tras sia derivanza na rumantscha).