Rapport annual 07
Per tut ils interessads: Il rapport annual 07 è disponibel online. Guarda il punct ' > > 2007' per leger el.
E sutvart chattas la risposta da la suprastanza da la GiuRu sin in commentari critic en la Quotidiana:
Ina curta resposta al commentari dad Andreas Cadonau "Appel per ina act curaschus" en la Quotidiana dals 20 d'october 2008:
La Giuventetgn Rumantscha (GiuRu) n'è betg engurda per daners. Nus ans vulain dustar cunter la rinfatscha dad avair cumbattì per motivs egoistics e per mancanza da survista per las contribuziuns ord la cassa da la Lia Rumantscha. Nus ans essans engaschads cun ina petiziun cunter las reducziuns dal budget perquai che nus essan persvas ch'ils daners che stattan a disposiziun a la GiuRu vegnan investids cun gronda effizienza directamain en projects e products rumantschs concrets en favur da la giuventetgna rumantscha. Effizient perquai che nus lavurain senza pajar fits, senza paja, senza indemnisaziuns per sedutas, senza spaisas da viadi e cun blera lavur voluntaria. Tge che quai munta concret po mintgin leger en il rapport annual da la Lia u ch'el pretenda infurmaziuns pli detagliadas da la suprastanza da la GiuRu.
A propos «Act curaschus»: Dad Andreas Cadonau sco schurnalist spetgain nus ch'el crititgeschia cun la medema resolutadad sch'il vent che buffa encunter è pli fraids e pli ferms che quel che la GiuRu po suflar.
E pertutgant uniuns da giuventetgna: Nus cussegliain ad Andreas Cadonau sco abitant da Vuorz da visitar proxima fin d'emna il teater da l'Uniun da giuventetgna Vuorz. Quel vegn dal reminent era finanzià cun ina contribuziun finanziala da la GiuRu.
ch'è adina pronta da dar ulteriur scleriment.