Martin Cantieni, vicepresident da la GiuRu è vegnì elegì en la suprastanza da la Lia Rumantscha. El ha survegnì 45 vuschs da las delegadas e dals delegads da la Lia Rumantscha ch’han a chaschun da lur radunanza da delegads sonda passada elegì in nov commember en la suprastanza. La cuntracandidata e proposta da la suprastanza Annaleta Semadeni-Kaiser ha fatg 9 vuschs.

Cun quest sa realisescha in giavisch che la GiuRu ha gia da ditg e pliras giadas exprimì; d’esser represchentada en la suprastanza da la Lia Rumantscha. Ils delegads han uss mussà ch’els han la voluntad dad era laschar decider la giuventetgna en il pli aut gremi da la Lia Rumantscha. Cun quai pon ins uss dir: Il rumantsch è salvà ! Senza schaiss!