Per l’Acziun 72 uras 2020 rimna la giuventetgna rumantscha datas auditivas, perquai duvrain nus era tai. In collavuraziun cun la Lia Rumantscha e suprastants da la Pro Svizra Rumantscha pudain nus lantschar l’acziun a la scola chantunala grischuna.
L’acziun ha lieu dals 17 fin ils 19 da schaner 2020 a Cuira, en il Grischun ni dapertut sin l’entir mund. Durant la fin d’emna po tgi che vul vegnir tar la GiuRu si la Canti per contribuir a l’acziun. Ins po preleger, mangiar e baiver, puspè preleger u baterlar vinavant. La saira giain nus in citad a baiver in zic dapli. Tgi che na è betg in vischinanza po era sa participar online davent da chasa. In telefonin basta per registrar la vusch e validar contribuziuns per vallader e sursilvan. Cun il material rimnà pudain nus u tgi che vul pavlar maschinas ch’emprendan la lingua, in di po eventual Alexa u Siri era respunder per rumantsch.
Tut ils detagls co sa participar in duas emnas as chatta bainbaud ramassà sin la pagina da la GiuRu sut #actual. T’annunzia gia oz sche ti es interessads da sa participar cun agid dal formular inditgà e resta sin il current. Quai gida da organisar il di a nus suprastants. Tar dumondas u giavischs contactescha simplamain la GiuRu.
Links impurtants:
Infos: Program dal di (pdf)
- Formular d’annunzia: tinyurl.com/acziun72
- Access a la surfatscha valladra: voice.mozilla.org/rm-vallader
- Access a la pagina sursilvana: voice.mozilla.org/rm-sursilv
