La GiuRu (Giuventetgna Rumantscha) emprova da promover contacts tranter la giuventetgna da las tschintg differentas regiuns rumantschas e da la bassa. Ella porscha a giuvnas Rumantschas e giuvens Rumantschs raps, communicaziun ed agid per la realisaziun d’in project cultural rumantsch. La GiuRu è uniun affiliada a la Lia Rumantscha e po trametter quatter delegads a las radunanzas generalas. Entant che la GiuRu figurescha sco uniun tetgala per las uniuns da giuventetgna localas, è la YEN l’uniun tetgala da las minoritads linguisticas da l’Europa.
suprastanza 2019
La suprastanza da la GiuRu:
Naomi Arpagaus, presidenta
Maurus Bundi, vicepresident
Michelle Parli, actuara
Vital Albin, cassier
Angelica Augustin, assessura
Co vai vinavant cun il rumantsch? Il president da la GiuRu Uolf Candrian pren posiziun tar la decisiun dal Surmir da turnar tar lur idiom. L’artitgel datti da telechargiar qua online.
Il proxim mais ans deditgain al clima. T’engaschas activamain per l’ambient, has in tip co ins po viver persistent o has ina istorgia che ti vul raquintar en connex cun la midada dal clima? Ans trametta il text a giuru@giuru.ch
la revitalisaziun da la scuntrada rumantscha a Turitg. Tar il chalender d’advent da la GiuRu essan nus gia passads l’ultima fanestra. Betg tuts victurs han dentant gia reagì, uschea che entginas adressas postalas dad ils victurs mancan anc. Controllai per plaschair voss caums postals sche vus avais fatg part al chalender! Per la scuntrada da primavaira in’emna avant Pasca tschertgain nus anc giuvenils interessads dad ir a visitar ils Aromuns sur la YEN. Dapli informaziuns scrittas da Dominic Blumenthal chattas qua en il pdf:
Vuschs giuvnas 1/2017
En il december ha lieu ina scuntrada per celebrar la fin da l’onn organisada entras la YEN (Youth of European Nationalities) a Berlin. In’emna pon trais rumantschs passentar a Berlin e far part a questa scuntrada cun autras minoritads europeicas che stat sut il titel Be Minority – Be Strong! Durant quell’emna han ils participants era temp liber per ir individualmain tras la chapitala germana.
Avant in onn han gia trais rumantschs sa participà a quest eveniment. Quest onn sgolan per la GiuRu Flurin Caviezel, Dominic Blumenthal e Rafael Summerauer a Berlin. 70% dils custs da viadi vegnan en quest cas qua pajads entras la YEN, quai zic che resta anc paja la GiuRu. Nus sperain da pudair leger, tranter ulteriuras contribuziuns, dapli da Berlin en la proxima pagina da las vuschs giuvnas l’entschatta schaner.
La proxima reuniun da la YEN ha lieu mez avrigl. A la scuntrada da Pasca envidan ils Aromuns, questa giada ils Aromuns albanes. Il festival da diversitad 2017 vegn organisà entras la Pomorania ed ha lieu en Pologna questa stad.
undas. Quai na vul betg dir che Giganto e Mattiu Defuns sesan ensemen en la bognera mabain ch els vulan cuntanscher e muventar corps ed olma da lur public sco in ocean sias undas. La mar chatt’ins tar nus sin il pli en la tschajera atunila che sa darasa e vegn neu dal Rain viasi. Dentant cula exact quest flum en la mar nordica. In auter flum enconuschent ord la terra rumantscha prenda ses curs vers la mar naira ed in ultim aual cuntanscha perfin la mar mediterrana, quai fiss il Rom che passa sper Müstair. Da tschella fin dal chantun giascha Mustér e là en vischinanza nascha noss Rain. Ma la en vischinanza èn era dus musicants rumantschs stads en tgina. Oz èn els pronts per ir sco ils flums ora en il mund.
Giganto da Rabius è gia dapi in per onns enconuschents per ses raps sursilvans ed ha quest onn ensemen cun Mattiu Defuns da Darvella sper Trun dà blers concerts a l’aria libra en tut il Grischun. Qua è pia lur emprima platta, quasi sco la venus da Boticelli naschida ella stgim’alva da las undas da la mar.
L’album vegn battegià, quai vul dir eventualmain betg be cun aua, a Cuira ils 9 da december 2016 en il Viva. Be ils 2 da december has ti la chaschun da gudagnar duas entradas libras sur il chalender d’advent da la GiuRu. Fa part, gratuitamain, cun endatar tia adressa e cun fortuna è tia entrada e quella da tia amia subvenziunadas. Vul dir ti poss prestar duas bieras la saira a Cuira u in otgavel dil taxi a chasa è pajà – sche ti na stas betg gist a Müstair u Mustér. (uc)
Anc dapli sin: www.giganto-mattiu.ch
Dapi curt è la GiuRu preschenta cun ina nova pagina d’internet en l’internet. Per festivar questa occasiun pos ti gudagnar durant il temp d’advent mintga di in regal en noss chalender d’advent. Bler cletg!
Dal reminent: has ti savì che la GiuRu è era preschenta sin diversas plattafurmas da social media? Ti ans pos contactar sur facebook, ans suandar sin twitter, survegnir invista en nossas activitads sin instagram u tadlar musica rumantscha sin spotify.
Per in sustegn finanzial dovra la GiuRu da tai ina descripziun en rumantsch dal project:
Quellas infurmaziuns pos ti trametter a giuru@giuru.ch u per posta
Commembranza vul dir: da temp a temp posta electronica, pussaivladad da sa participar a workshops per part era internaziunals, sustegn per ils tes projects, mintg’onn ina radunanza cun tschaina, … e quai tut cun ina contribuziun d’entrada da be 20.- francs.
Ans contactescha
Giuventetgna Rumantscha
Hohenbühlweg 4
7000 Cuira
Ti vul novas davart events en la Rumantschia? Abunescha la raschlada da la GiuRu.
Carta dad interpresas rumantschas cun products regiunals.
Uniun tetgala da tut la Rumantschia, sez en la chasa rumantscha a Cuira.
Uniun tetgala da minoritads linguisticas europeicas cun sedia a Berlin.
