En las vuschs giuvnas dal schaner as preschentain nus il programm da la GiuRu per l’onn 2020. Ina massa occurenzas stattan sil plan, denter auter era puspè scuntradas en l’exteriur ensemen cun la @yenjev1984. Guardai en il pdf che vus chattais sin nossa pagina d’internet giuru@giuru.ch #actual per telechargiar e notar ils termins en vossa agenda. Dentant vegni era a dar entginas midadas quest onn, denter auter tge che pertutga il furmat da las vuschs giuvnas. Era propostas da vossa vart concernent questa tematica en natiralmain adina bainvegnidas! Quai è dentant nabetg tut. Ina bella contribuziun avain nus questa giada anc retschert da Flurin Spescha. Perquai exnum telechargiar la pagina e guardar viaden! Grazia per vos sustegn e bler divertiment da leger!
—
#vuschsgiuvnas #giuru #giuventetgna #rumantscha #gasetta #falera #yen #jev #planisaziun #2020

Vuschs giuvnas schaner 2020

Contemplar sin instagram

Las vuschs giuvnas èn puspè qua, e quai cun in’istorgias sincera da Michela Sutter e pensaments da Svenja Kaib. Ultra da quai ha la 3. classa dal gimnasi all’Academia Engiadina crea in lign da modas da dir rumantschas. Chattas ti ora, da tgè locuziun ch’i sa tracta? Telechargescha sin nossa pagina da web www.giuru.ch/#actual il pdf ed anfla ora.
Quest è la davosa ediziun da las vuschs giuvnas dal onn 2019. In grond engraziament a tuttas* e tuts* che han contribuí al gartegiar da questa plattafurma per istorgias, artitgels, poesias, fotografias, illustraziuns ed autras contribuziuns giuvnas rumantschas ed en quest senn anc ina buna finiziun dal onn!
—
#vuschsgiuvnas #rumantsch #gasetta #laquitidiana #pensaments #amur #locuziuns #giuru #giuventetgna #december #2019

Vuschs giuvnas december 2019

Contemplar sin instagram

Nov mais, nova pagina da las vuschs giuvnas 🎉 Questa giada cun in artitgel davart la scuntrada da minoritads en Russia cun @yenjev1984 e @jugendring, ina brev da Berna ed ina caricatura inspirada d’in citat da l’onn 1919.
Cordial engraziament ad Angelica Augustin, Samuel Bislin, Asa Hendry ed Uolf Candrian per las contribuziuns.
La pagina pon ins telecargiar sin giuru.ch/#actual. Contribuziuns prendain nus gugent encunter via nossa mail giuru@giuru.ch
—
#vuschsgiuvnas #giuventetgna #rumantsch #yen #autumnseminar #JdRSuperstar #youthparticipation #Sochi #laquotidiana #newspaper

Vuschs giuvnas november 2019

Contemplar sin instagram

Las vuschs giuvnas digl october èn qua cun impressiuns da la davosa scuntrada cumadaivla a Berna, in viadi en Frantscha ed ina sempla instrucziun co ti sas far sez Hummus. La pagina datti da telechargiar online sin giuru.ch/#actual. Has era ti in recept ni ina experientscha che ti vul parter? Ans trametta tia contribuziun via mail a giuru@giuru.ch ✨ Nus ans legrain da tes messadi!

Vuschs giuvnas october 2019

Contemplar sin instagram

La stad è bunamain passada, ha dentant purtà bleras aventuras ed experientschas. Da duas differentas modas co e nua ch’ins sa passentar la stad sa tractan ils texts da las vuschs giuvnas dal settember. Las contribuziuns èn dad Asa Hendry ch’era durant la stad si d’alp e d’Angelica Carigiet che ha fatg in viadi en l’America latina. La pagina datti sco adina da telechargiar sin giuru.ch/#actual sper la publicaziun a moda stampada en La Quotidiana.
Na targlina betg dad era ans trametter in text, ina fotografia u poesia, u era ina caricatura.
—
#machupicchu #peru #inkas #salardeuyuni #bolivia #riodejaneiro #brasilia #corcovado #viadi #travel #alp #stad #vuschsgiuvnas #giuventetgna #giuru #gasetta #laquotidiana

Vuschs giuvnas settember 2019

Contemplar sin instagram

Las vuschs giuvnas dal avust èn qua e la tensiun en la istorgia “maila cotschna” da Viola Cadruvi crescha! Medemamain datti ina brev a l’Engiadina dad Alina Müller ed in rapport da viadi da Naomi Arpagaus. Ve sperasvi, legia e ta lascha inspirar d’auters munds. Telechargiar san ins la pagina sut giuru.ch/#actual

Nus tschertgain tai! Ti scrivas gugent? Ans trametta tes text per mail a giuru@giuru.ch
—
#rumantsch #giuru #sinviadi #patria #vuschsgiuvnas #giuventetgna #avust #engiadina #london #cambridge #brighton #tren

Vuschs giuvnas d’avust 2019

Contemplar sin instagram

Premiera! Building Walls – Breaking Walls ha per l’emprima giada giu li en la Rumantschia. Durant set dis han 16 giuvenils dad Israel, da la Palestina, dall’Irlanda dal nord ma era da la Svizra construi in mir en la Val Müstair. Dapli davart quest barat intercultural pos ti leger sin la pagina da las vuschs giuvnas ch’è oz cumparida en La Quotidiana. Quella datti sco adina era da telechargiar sin giuru.ch/#actual
Ulteriurs texts èn da Michela Sutter davart il ETF 2019 ad Aarau, da Naomi Arpagaus davart in’aventura da navigar a tenda e la cuntinuaziun dal raquint “Maila Cotschna” da Viola Pfeiffer. Medemamain datti aunc ina pintga impressiun dalla Pride 2019 a Turitg.
Da in sgard!
—
#vuschsgiuvnas #giuventetgna #rumantsch #rumantschia #giuru #buildingwalls #breakingwalls #Grischun #barat #culturalexcange #laquotidiana #etf #medusas #odin #maila #pride #pride2019 #zürichpride

Contemplar sin instagram

Vuschs giuvnas fenadur 2019

Bainbaud esi uschè lunsch: La chauma da dunnas*! Co era ti pos far chauma ils 14 da zercladur, pos ti leger en la ediziun actuala da las Vuschs Giuvnas. Quella cumpara mintgamai l’emprim venderdi dal mais e sa vegnir telechargiada sut giuru@giuru.ch/#actual
Medemamain tschertgain nus giuvens e giuvnas che han tschaffen da sa participar ad in turnier da ballape amical ils 10 d’avust 2019 a Zuoz tar la festa da “100 onns Lia Rumantscha”.
In’ulteriura contribuziun è la cuntinuaziun dal raquint “Maila cotschna” da Viola Pfeiffer, era d’anflar sin la pagina.
Nus ans legrain gia da tia contribuziun per las proximas Vuschs Giuvnas. Gugent pos ti trametter questa per mail a giuru@giuru.ch

—
#vuschsgiuvnas #forzaalasfemnas #dunnas #feminissem #chaumadadunnas #egualitad #frauenstreik #ballape #100onnsliarumantscha #laquotidiana #gasetta #medias #giuventetgna #giuru #rumantsch #idioms #cultura #lungatg #language #minoritads

Vuschs Giuvnas zercladur 2019

Contemplar sin instagram

Igl ei puspei aschi lunsch! Gl’emprem venderdis el meins cumpara mintgamai la pagina dallas Vuschs Giuvnas en La Quotidiana. L’ediziun actuala dil matg, sco era paginas anteriuras datti da telecargar cun cliccar cheu.

Questa gada datti in rapport davart il seminari da Pastgas en Transilvania tier la minoritad ungaresa scret dad Asa Hendry, in resun tier la radunonza generala dalla GiuRu da Naomi Arpagaus e la cuntinuaziun dil raquent “maila cotschna” da Viola Pfeiffer.

Dai in sguard per anflar ora tgei plans che la GiuRu ha pigl onn 2019 e co era ti sas far part dad ina ni l’autra occurenza, regiunala ni intereuropeica.
Contribuziuns per las Vuschs Giuvnas prendin nus bugen encunter per mail sut giuru@giuru.ch
—
#giuru #giuventetgna #rumantsch #radunanza #Pasca #easterseminar #Sfantugheorghe #YEN #JEV #Transilvania #couldbeworse #laquotidiana #gasetta

Vuschs Giuvnas matg 2019-05-03

Contemplar sin instagram

Stai si, il mars ei cheu! Tenor quei motto ha il Kick-off annual dalla YEN giu liug quei unviern en Croazia. Era dus Romontschs eran puspei dalla partida, numnadamein Angelica Augustin e Samuel Bislin. Els raquentan da lur temps a Donja Stubica silla pagina dallas Vuschs Giuvnas ch’ei dat sco adina da telecargar cheu giusut. Ils ulteriurs texts han Livio Caduff ed Alessio Schmed contribuiu, Tizian Giger ha tarmez ina fotografia da Mustér. Dar in sguard vala la peina. E co era tiu calonda mars? Era tia contribuziun prendin nus bugen encunter per mail a giuru@giuru.ch

La proxima scuntrada ha liug la jamna avon Pastgas a S. Gheorghe en Rumenia, pia ils 12-19 d’avrel 2019. S’annunziei!
—
#gasetta #rumantscha #YEN #kickoff #DonjaStubica #minority #couldbeworse #giuventetgna #giuru #motivation #cuntent #Mustér

Contemplar sin instagram

lq_vuschsgiuvnas_mars_01-03-2019

La secunda pagina dallas Vuschs Giuvnas egl onn niev ei publicada. Cheu raquintein nus (la GiuRu) dalla davosa sesida da suprastonza, in’ulteriura contribuziun ei dad Alessio Schmed, nies president Uolf Candrian ha fatg ina caricatura, ed ils datums per tut ils events dalla GiuRu e dalla YEN per 2019 ein aschunti. Sco adina san ins telecargar la pagina sin giuru.ch/#actual.
Ti scrivas, fotografeschas ni dissegnas gugent? Ans trametta tia contribuziun sin giuru@giuru.ch e fadia entgins daners da sac.
—
#laquotidiana #gasetta #newspaper #zeitung #medias #giuventetgna #giuru #rumantsch #romontsch #rumantschia #vuschsgiuvnas #idioms #cultura #lungatg #language #minoritads #latabla #sesida #normal #caricatura #yen #jev #events #culturalexcange

Contemplar sin instagram

Vuschs Giurvnas fevrer 2019-02-01

Era per las Vuschs Giuvnas cumenza igl onn 2019 cun niev schlontsch. Quater contribuziuns da giuvna glieud motivada e creativa ein quella gada vegnidas ensemen. Da telecargar online sin giuru.ch/#actual datti denter auter in’intervesta culla fundatura da latabla.ch Corina Gustin e ponderaziuns davart la pasch dad Alessio Schmed.
Ti has ina historia che sto exnum vegnir raquintada ni levas gia adina inaga parter tiu meini? Cheu tia schanza: Termetta era ti ina contribuziun per las Vuschs Giuvnas sin giuru@giuru.ch, tuttina sche text, fotografia, dessegn ni poesia, nus selegrein da mintga contribuziun.
Sin in bien niev onn creativ ed expressiv 🎉
—
#laquotidiana #gasetta #newspaper #zeitung #medias #giuventetgna #giuru #rumantsch #romontsch #rumantschia #vuschsgiuvnas #idioms #cultura #lungatg #language #minoritads #latabla #pasch #vaccas #museum #biennievonn

Contemplar sin instagram

Vuschs Giuvnas schaner 2019

Las temperaturas vegnan adina pli bassas e Nadal stat avon esch. Tgei bi temps per star a casa, beiber ina tschugalata caulda e leger la gasetta. Dad anflar ellas Vuschs Giuvnas dil december ein questa gada in text davart il Hackathon a Turitg screts dad Uolf Candrian, entginas impressiuns d’in di da Naomi Arpagaus ed ina poesia cuorta da Xenia Stäger, da telecargar sut giuru.ch/#actual
Forsa che ti survegns queidas da reportar ella proxima ediziun dallas Vuschs Giuvnas da tiu highlight da Nadal ni dad inscunters specials duront Silvester? Bugen prendin nus encunter contribuziuns sut giuru@giuru.ch e stein a disposiziun per damondas.
La GiuRu giavischa in bi temps d’Advent e grondiusas fiastas da Nadal. —
#laquotidiana #gasetta #newspaper #zeitung #medias #grischun #graubünden #giuventetgna #unviern #neiv #advent #nadal #giuru #rumantsch #rumantschia #vuschsgiuvnas #idioms #lungatg #hackathon #turitg #zürich #flem #flims #colurs #monet #pizmuchetta

Vuschs Giuvnas december 2018

Contemplar sin instagram

Gia november?! Pia puspei temps per las Vuschs Giuvnas. Quella gada raquenta Leta Arpagaus dil seminari d’atun a Bratislava, Flavia Hobi ha fatg in’intervesta cun Carin Caduff e la tiarza contribuziun ei da Gianna Salzgeber dall’Engiadina. La pagina datti sco adina da telecargar sin giuru.ch/#actual sco pdf per leger el bus ni tren. Per publicar ti’atgna contribuziun, termetta bugen a nus ina mail sut giuru@giuru.ch entochen la davosa fin d’jamna dil meins e gudogna 50.-. Nus selegrein da tia contribuziun.
—
#rumantsch #giuru #vuschsgiuvnas #giuventetgna #laquotidiana #yen #bratislava #bratcultural #minoritads #scriver #creativitad #identitad

vuschs giuvnas november 2018

Contemplar sin instagram

Las Vuschs Giuvnas èn qua cun in zitg retard, ma tuttina dumignà da publitgar trais contribuziuns rumantschas. Ina davart la presidenta da la YEN da Flavia Hobi, in text dal president da la GiuRu ch’è stà invidà da l’ambassada svizra en Ollanda ed ina fotografia da las bellas muntognas sursilvanas da Silvan Giger. La pagina as po telechargiar cun cliccar qua sut sco pdf: vuschs_giuvnas_LQ_12-10-2018

Atgnas contribuziuns adina gugent en tochen la fin da quest mais a giuru@giuru.ch, mintga contribuziun vala al main 50.- francs. Nus vegnin era a leger ils texts e controllar sche tut è scrit correct sche quai fiss giavischà.

Quella gada tier las Vuschs Giuvnas ha Flavia Hobi fatg in’intervesta culla giuvna musicista Chiara Jacomet. Medemamein raquintein nus da nossa viseta en Frislandia al festival da diversitad. Da telecargar sin giuru.ch/#actual 🌿
Dai in sguard, forsa inspireschan ils texts pia era tei da scriver per la proxima ediziun dallas Vuschs Giuvnas. Bugen astgas termetter a nus tia contribuziun sin giuru@giuru.ch. Nus selegrein da texts da mintga idiom.
—
#laquotidiana #gasetta #newspaper #zeitung #medias #grischun #graubünden #giuventetgna #stad #giuru #rumantsch #rumantschia #vuschsgiuvnas #idioms #cultura #lungatg #language #minoritads #viadi #yenjef #df #terpoftales #frysk #cowsingrou #couldbeworse #musica

vuschsgiuvnas settember 2018

Contemplar sin instagram

Gia contemplà la pagina da las Vuschs Giuvnas en La Quotidiana? Sche quai na es betg il cass pos ti telechargiar ella sut giuru.ch/#actual 🎉 Questa giada dat è duas fotografias da Silvan e Danilo Giger dalla notg magica, in text filosofic da Flavia Hobi ed ins sa emprender enzatgè davart il martgà da Mostar e la lingua bosniaca dal text da Naomi Arpagaus. 🇧🇦 Da in sguard, i vala la paina!
Scha ti has era survegni gust da scriver ni fotografeschas gugent, ans trametta tia contribuziun sut giuru@giuru.ch. Per mincha text dat è 50.-.
—
#laquotidiana #gasetta #newspaper #zeitung #medias #grischun #graubünden #giuventetgna #stad #giuru #rumantsch #rumantschia #vuschsgiuvnas #idioms #stgiradetgnadanotg #bloodmoon #mostar #bosnia #cultura #lungatg #lingua #language

Vuschs Giuvnas uost 2018-08-03

Contemplar sin instagram

La stad es qua e cun ella era igl emprim venderdi da quest mais. La pagina da las Vuschs Giuvnas è cumparida oz en La Quotidiana, la unica gasetta dal di rumantscha. La pagina è cumparida cun duas contribuziuns, ina da la Val Medel in Surselva e tschella dal Surmeir. Ultra da quai ha la GiuRu anc publitgà in clom da participants per il festival da diversitad en Frislanda. Sco adina tschertgain nus participants e l’annunzia ha gia da succeder fin questa dumengia proxima. Faschess plaschair sche insatgi ha veglia dad ir quest avust a Grou e sa participar a quest seminari cun quatter interessants luvratoris per ils participants. Sche insatgi va en in auter lieu a visitar ina bella terra, eventual era ina cun ina minoritad? Adina gugent scriver e far fotografias. Tut las contribuziuns valan al main 50.- e san vegnir inoltradas direct via mail a giuru@giuru.ch. La contribuziun as po telechargiar direct qua:
Vuschs_Giuvnas_fanadur_2018
Contemplar sin instagram

Has ti gia vis la pagina da las Vuschs Giuvnas dal zercladur in La Quotidiana? Sche quai na es betg il cas pos ti da mintga temp telechargiar ella sut giuru.ch 😉 Questa giada dat è in’intervista cun las duas novas suprastantas Michelle Parli e Naomi Arpagaus. Uolf Candrian è als fastitgs dad in vegl toc da teater e sa duvrar agid per sia lavur da master e Michela Sutter ha scrit in text davart il champ da stad KiLa. Da in sguard, i vala la paina. 🌿
Scha ti has era survegnì gust da scriver ni fotografeschas gugent, ans trametta tia contribuziun sut giuru@giuru.ch.

Vuschs giuvnas zercladur 2018-06-01

Contemplar sin instagram

La radunanza generala da la GiuRu è gia passada in’emna. Tut ha funcziunà bain, in pign resun an Flavia Hobi ed Uolf Candrian scrit per las Vuschs Giuvnas che ins po telechargiar gist qua sin nossa pagina d’internet. Per la pagina da la giuventetgna ha era la giuvna surmirana Angelica Augustin scrit davart il viadi cun la GiuRu en Pologna. Là è tranter auter era stà da visitar ina radunanza generala nua che Giuanna Beeli è vegnida elegida presidenta da la YEN. Tar la GiuRu èn cun Naomi Arpagaus e Michelle Parli duas giuvnas intradas en la suprastanza che sa cumpona ussa da sis persunas giuvnas. Naomi Arpagaus vegn a surpigliar la redacziun da questa pagina da Flavia Hobi che ha demissiunà suenter quatter onns in suprastanza durant che Michelle Parli surpiglia il post d’actuara. Dapli detagls chattas anc en las duas contribuziuns, faschess plaschair sche ti legessas dapli per rumantsch. Gugent acceptain nus era ulteriurs texts, ans scriva simplamain. Bun divertiment cun la lectura e bella fin d’emna:

Vuschs Giuvnas Matg 2018-05-04

Contemplar sin instagram

Oz è cumparida la pagina da la Giuventetgna Rumantscha en la gasetta Quotidiana. Telechargiar gratuit be cun in clic qua per retschaiver la pagina da las vuschs giuvnas d’avrigl sco pdf.
Blers lecturs e lecturas han probabel gia desiderà la seguonda part da It’s a match da Mila Beerli. Vitier vegn in artitgel per far attent sin la radunanza generala a la quala ina successura per Flavia Hobi, la responsabla per la pagina da las vuschs giuvnas, vegn elegida. Tgi surprenda lura la redacziun ed il rimnar texts? Sa chapescha che era il president prenda temps per emplenir la pagina cun ina contribuziun sche nagin scriva. Fiss dentant bel sche insatgi auter avess era interess da scriver per rumantsch in text. Dat tuttina mintgamai almain 50 francs, cun mintga extra sco ina bella fotografia 25.- là sura. Ans trametta tes text!

Ils statuts cun la versiun actualisada sa chattan sut #telechargiar o gist qua. Da reacziuns ans legrain nus sco communitgà en igl artitgel publitgà en la quotidiana.

Cun il tema barat intercultural è la secunda pagina da las vuschs giuvnas cun ina part tematica cumparida il venderdi passà. Indra-Maria Decurtins ha scrit davart las experientschas ad Israel e Palestina. La GiuRu è sa participada finanzialmain a quest viadi. Questa stad ha lieu ina scuntrada dad in’emna en la Val Verzasca. La mira da questas scuntradas è da construir mirs setgs e destruir mirs en ils chaus da las naziunalitads cunfinantas. Per la proxima pagina tschertgain nus contribuziuns davart far passlung u cuorsaliunga.
Nossa suprastanta partenta Flavia Hobi ha scrit per la GiuRu davart il seminari da kick off che ha bainbaud lieu a Trin en la chasa mesaglina. Interessads pon gugent s’annunziar tar la GiuRu e vegnir sperasvi a Trin.
La giuvna autura Dominique Dosch ha contribuì cun in dissegn a la debatta politica davart l’iniziativa billag. Bler plaschair cun la lectura da la pagina, da telechargiar cun cliccar qua.

Contemplar sin instagram

Oz en cumparidas las paginas da las vuschs giuvnas – per l’emprim d’advent cun in bel purtret dad in cranz d’advent. Flavia Hobi è stada a la retscherca per chattar ora con veglia che questa tradiziun è atgnamain. Quai che s’auda oz semplamain tar Nadal è forsa gnanc uschè vegl… Autras tradiziuns, per exempel che ils mats da Lumbrein arrivan da Sontgaclau cun gheisslas dentant, tgisa pli vegl? Ma da las giuventetgnas u da la Lumnezia na avain nus betg ina contribuziun, dentant trais impressiuns dad Angelica Augustin ord il Surmir sco era dus artitgels anturn la plattafurma per musica svizra mx3.ch dad Uolf Candrian e RTR. Clar è, la veglia (e la peda) da scriver para tar la giuventetgna betg dad esser avant maun encunter la fin dal onn. Ma avais tuttina gugent la pagina? Sin nossa pagina giuru.ch/#actual è la pagina telechargiabla.
—
#vuschsgiuvnas #mx3.ch #plattafurma #musicarumantscha #texts #bustour2017 #cranz d’ #advent #nadal #festa #venderdi #december #laquotidiana #songvomtag #drs3 #retetré #couleur3 #rtr #musica #clom per #contribuziuns #redacziun #curdinnicolay #silips e #furmias #cd #schanghegiareierainverb #gasetta #printsutsquitsch

Contemplar sin instagram

Oz è cumparida la pagina da las #vuschsgiuvnas dal november en la quotidiana. Stampà ed era digital per telechargiar sa chatta qua sco pdf. Fin igl ultim mument era è betg clar, scha la pagina po cumparir muort mancanza da texts. Ma lura cun rimnar e contactar entginas persunas che han gia scrit esa reussì a Flavia da chattar avunda texts cun contribuziuns visualas. Perquai pudais leger ina poesia da Petra Dietrich, in text da Carin Caduff ed in text biling da Viola Pfeiffer sco era ina curta impressiun davart il viadi si Lantsch da nos president Uolf Candrian. Lez era cun Maurus Bundi e Flavia Hobi delegà da la GiuRu a Lantsch. Là era gist era igl avegnir da la gasetta rumantscha ina tractanda impurtanta. Per rumantschs che scrivan han questa fin d’emna lieu ils gieus da litteratura a Domat.

Contemplar sin instagram

La pagina dal october e cumparida venderdi en la gasetta rumantscha ed uss era qua. Cun bleras contribuziuns da differents giuvenils rumantschs. Has era experimentà zatge che vala da parter? In viadi cun la giuventetgna? In moviment d’independenzia d’ina minoritad? Ans tarmetta tia contribuziun per l’ediziun dal november da vart las tias experientschas cun amis dad autras terras u cun la lingua. Nus acceptain tut ils temas, ins po era scriver davart il Tatort da dumengia saira. Contribuziuns valan almain in fuffi e mintga extra sco per exempel ina fotografia dat 25.- francs vitier. La pagina actuala as po telechargiar qua:

lq_vuschsgiuvnas_october_06-10-2017

Nus avain anc betg publitgà ils texts da la davosa pagina da las vuschs giuvnas. La pagina dal settember cumpara pir oz en la rait. Perquai è in abo da la Quotidiana tuttina anc ina buna opziun. Il november ha il proxim eveniment intercultural da destruir e construir mirs lieu ad Israel. Per savair co che quai vesa ora pon ins leger il text dad Indra-Maria Decurtins che es stada en l’Irlandia. Dal festival da minoritads a Gdansk/Danzig en Pologna scriva Angelica Augustin che è sco Indra-Maria Decurtins stada per l’emprima giada da la partida ad in’occurenza sur la GiuRu. Bun divertimaint cun ils texts e tar interess da far part ad ina tala occurenza es l’adressa da la GiuRu giuru@giuru.ch adina libra per scriver e dumandar. Medemamain pon ins adina gugent scriver contribuziuns a quest’adressa da mail. Fagess plaschair da retschaiver in u l’auter text per emprim venderdis d’october.

Telechargiar il pdf: vuschs giuvnas settember

Qua chattas la versiun actuala da la pagina Vuschs Giuvnas per telechargiar:

Vuschs Giuvnas Avust 4-8-2017

Contribuziuns vegnan onuradas cun mintgamai almain 50.- francs. Tarmetta tes text a nus per mail. Tar ulteriuras dumondas drizza tai a la GiuRu. Bun divertimaint cun la lectüra!

La pagina dal fanadur è qua. Cun bleras contribuziuns interculturalas ed indigenas. Ins senta che tuts han vacanzas e pon gudair ils contacts tar amis da terras lontanas. Im quai sen, chars salids da Bulgaria e bun divertimaint cun la lectüra. Scriva era tia contribuziun per l’ediziun d’avust da vart las tias experientschas cun amis dad autras terras durant la stad. Contribuziuns valan almain 50.- CHF. La pagina actuala as po telechargiar qua: 2017-07-07_La_Quotidiana_Seite_13

La revitalisaziun da la cuntrada resveglia la poesia. Cunquai cumpara la pagina dal zercladur cun trais poesias, ina contribuziun d’in gat suord ed ina revista dil cuors da troccas dalla ZyTro organisaus ensemen cun la “Werkstatt”, il luvratori cultural da Cuira. Has era ti vis zatge special u veglia da scriver in text per las Vuschs Giuvnas? Nus essan adina leds da tut las contribuziuns inoltradas. Mintga contribuziun publicada vegn pajada ora cun 50.- francs, mintga suplement dat mintgamai 25.- francs vitier. Tar dumondas u il giavisch dad ina correctura t’annunzia ordavant. Tarmetta tes text a giuru@giuru.ch

L’entira pagina per telechargiar chattas cun in clic qua sco pdf:

Vuschs Giuvnas # 06/2017

Oz è igl emprim venderdi da quest mais, vul dir uras dad ir per la posta per leger la pagina 11 – e cunzunt per leger igl artitgel illustrà davart Martin Candinas che passa meglier che mintga erox atras la porta da la chasa federala. Cun quest elan sa l’intervenziun en favur da La Quotidiana mo avair success. Tuts trais cussegliers naziunals han suttascrit l’interpellaziun. Ma anavos tar il tema, qua chattas la pagina 11, senza fotografia da Martin Candinas, dentant cun bleras contribuziuns ord differentas regiuns rumantschas. La GiuRu engrazia fitg per tut las contribuziuns a Carin, Michaela ed Alina. Mintgina dad ellas retschaiva ina paja dad almain 50.- francs.
Il text dad Alina vegn ultra da quai medemamain era publitgà sin La Tabla. Il linc es aschuntà
Trametta a nus tia contribuziun, sche ti es d’accord vegn tes text forsa era anc direct en la rait.
Telechargiar il PDF: vuschs_giuvnas_matg
La GiuRu sin la Tabla: latabla.ch

Il practicant dalla gasetta romontscha La Quotidiana ei staus sin visetas el niev local dalla GiuRu ed ha rapportau davart quella sentupada cun ina part ufficiala ed ina part festiva cul concert da Chiara, Lea e Leander.
Il pli interessant eveniment per igl onn proxim ha liug el fevrer 2018. La GiuRu ha dau tier dad organisar il kick-off event dalla YEN, quella reit d’organisaziuns da giuventetgna ha la finamira da mantener e da sviluppar dretgs per minoritads. Il seminari da kick off consista ord in’jamna da trenament per instructurs dalla YEN. Cunquei che quella part vegn fixada entras la YEN ha la GiuRu sulet dad organisar ina casa, il damagliar ed in’excursiun, pusseivel fuss cheu in gi da sport d’unviern. Sche zatgi ha in’idea co ins pudess realisar quei u tgei liug ch’ei adattaus per aschi in eveniment, astg’ins bugen s’annunziar tier nus ed era far part digl orga-team. Igl orga-team decida era davart il program cultural dallas seras. Dapli davart la radunanza catteis aschuntau cheu egl artechel da Silvan Maissen:
lq_04-05-17_smaissen_rg2017

CHIARA  youtu.be/sMPf9kawAxY

Cunquai che gist dus suprastants da la GiuRu èn stads da la partida ad il Seminari da Pasca 2017 da la YEN sunda la versiun digitala da la pagina da quest mais pér ussa. Enstagl rapportain nus proxima giada da nossas experientschas a Durrës, Albania. A cass, la GiuRu tschertga adina giuvenils che han veglia dad ir in’emna en vacanzas tar in’autra minoritad linguistica.

In tutta cass, bun divertimaint cun la pagina e fin a la radunanza generala, ils 29 d’avrigl 2017 a Cuira

vuschs_giuvnas_Avrel_2017-07-04_p18

Tramiss direct da la plazza aviatica Turitg. En in’emna svolan trais giuvenils per la GiuRu da Turitg, Svizra a Tirana, Albania. Là passentan els in’emna cun minoritads linguisticas e discurran tranter auter davart tge soluziuns ch’ins pudess chattar per salvar nossa lingua. Ma nus visitain era la citad da las melli finestras ed autras staziuns culturalas en l’Albania. Cunzunt sin la part da la minoritad aromuna es noss focus drizzà. La stad ha lieu il festival da diversitad ed igl atuon sunda il seminari d’atuon. Interessads pon adina gugent s’annunziar tar la GiuRu. Qua poss telechargiar la pagina cumparida en la Quotidiana entschatta marz: Vuschs Giuvnas Mars

Qua pos ti telechargiar l’ediziun:

vuschs giuvnas favrer 2017

L’ultima pagina da las Vuschs Giuvnas da quest onn es qua. Ma betg be l’ultima, mabain era la emprima. Quai venderdi passà è l’emprima pagina da las vuschs giuvnas cumparida che vegn sin questa pagina nova da la GiuRu publitgada. Nagina tema, la pagina cumpara era en igl onn nov vinavant adina igl emprim venderdi dal mais ed è vinavant accessibla qua sin nossa pagina sco pdf: bun, gratuit e flot accessibla. Contribuziuns vegnan almain pajadas entras la GiuRu cun la summa da 50 francs e mintga agiunta supplementara sco fotografia u dissegn dat ulteriurs 25 francs sin tes conto. Trametta tes text a nus per mail a giuru@giuru.ch e gia è quasi tut pront. Qua chattas la pagina dals 2-12-2016 per telechargiar cun be in clic:Telechargiar la pagina