Nus ans legrain da presentar »zulprins«, la nova rubrica per auturas ed auturs giuvens, iniziada tras la GiuRu /Giuventetgna Rumantscha en collavuraziun cun la FMR / Fundaziun Medias Rumantschas. Nov cumpara trais enfin quater giadas a mais in text da la giuventetgna en la Quotidiana sco era tar nus sin social media per telechargiar. Uschia daventa »zulprins« il furmat successur da las »vuschs giuvnas« che cumpareva durant tschintg onns ina giada a mais. Quest mais ans dedicain a la tematica da la ‘solidaritad’, e quai cun in emprim text dad Asa Hendry. Sco disà ans po trametter contribuziuns per mail a giuru@giuru.ch. Nus sperain da far sbrinzlas cun ils »zulprins« ed ans legrain da tes text.
Cordial engraziament a David Truttman da la FMR per la collavuraziun sco era a Naomi Arpagaus per la elavuraziun da num e logo.
#zulprins #giuru #giuventetgna #jugend #scriver #fmr #laquotidiana #rumantsch #rätoromanisch #promoziun #grischun #graubünden #gasetta #zeitung #jugendzeitung #sbrinzlas #fieu #feuer #fire