Bainvegni!

La GiuRu (Giuventetga Rumantscha) promova contacts tranter la giuventetga da las tschintg differentas regiuns idiomaticas e da la diaspora. Ella porscha a giuvnas Rumantschas e giuvens Rumantschs raps, communicaziun ed agid per la realisaziun d'in project cultural rumantsch. La GiuRu è uniun affiliada a la Lia Rumantscha e po trametter quatter delegads a las radunanzas.

foto suprastanza
Suprastanza GiuRu 2022
  • Naomi Arpagaus, presidenta
  • Maurus Bundi, vicepresident
  • Angelica Augustin, actuara
  • Leta Arpagaus, cassiera
  • Michelle Parli, assessura
  • Manuel Sonder, assessur

actual

Projects e temas actuals chattas ti sin noss chanals da social media. :)

Ina nova ediziun è cumparida e questa giada cun i’intervesta cun CAJA LANA! Dai gugent in sguard! — #cajalana #zulprins #giuru #musica

guardar sin insta

Essas vus interessads/as en POETRY SLAM? Avais vus gust dad ir a tadlar in slam per rumantsch u schizunt preschentar in agen- lura anflais tut las infurmaziuns en il nov artitgel che Janic Maskos ha scrit per la rubric...

guardar sin insta

Tge fa atgnamain la GiuRu? En l’ediziun actuala dals Zulprins vegni dà ina pintga invista davos las culissas da l'uniun. Tramettai era vus gugent voss text u maletg a giuru@giuru.ch! Nus ans legrain:) — #zulprins...

guardar sin insta

Igl è puspè temp per la Giuventetgna Rumantscha da far ina radunanza generala. Ils 10 da mars ans entupain a las 19.00 uras en noss biro a Cuira. Suenter radunanza tschanain nus e stain da cumpagnia (i dat pizza!).

guardar sin insta

La problematica da dischoccupaziun, cunzun tar absolventas ed absolvents dad in studi, è en Svizra actualmain betg uschè gronda sco en bleras autras terras. In exempel mussa questa intervista da Madleina Candrian cun...

guardar sin insta

Bainbaud ha il proxim seminari da la YEN lieu en la macedonia dal nord. Il seminari dura dals 13 fin ils 19 da favrer 2023 e stat sut il motto "Traditionally yours". Dapli infurmaziuns anflas sin www.yeni.org. T'annunz...

guardar sin insta

participaziun

Daventa activ!

La GiuRu porscha differentas pussaivladads e plattafurmas per s'engaschar pil rumantsch. Er tes agid è bainvis :)

medias socialas

Insta e co èn tes mund? La nossa gruppa per las medias socialas è leda da tes agid. Sche ti has interess pos gugent s'annunziar cun il formular da contact giusut sin questa pagina.

digitalisaziun

Sche ti has interess vi da tecnica pos ti gidar a mantegnair l'infrastructura ed il svilup da digitalisaziun da la GiuRu. Dai simplamain in ping sin informatica@giuru.ch

zulprins

Ils «zulprins», uschia sa numna la rubrica per auturas ed auturs giuvens, ina rubrica che cumpara en collavuraziun da la GiuRu Giuventetgna Rumantscha cun la FMR Fundaziun Medias Rumantschas. La finamira cuminaivla da GiuRu ed FMR è da dar spazi e vusch ad auturas ed auturs giuvens. Ils «zulprins» duain damai far qua u là sbrinzlas! Trametta era ti gugent a nus tes text u maletg a l’adressa da mail giuru@giuru.ch


scuntradas

La GiuRu organisescha da temp a temp scuntradas cumadaivlas en divers lieus. Sche ti has interess da vegnir ensemen, baiver in 'sirup' e simplamain discurrer in zic rumantsch lura es ti bainvegnì. Infurmaziuns vegnan publitgadas sin ils chanals da las medias socialas.

seminaris

La GiuRu pren part a seminaris internaziunals nua che ti pos represchentar la Rumantschia. Sche ti has interess pos gugent t'annunziar cun il formular da contact giusut sin questa pagina.

commembranza

Commembranza vul dir: da temp a temp posta electronica, pussai­vla­dad da sa par­tici­par a work­shops - per part era inter­na­ziu­nals - e mintg’onn ina ra­du­nan­za generala.


sustegn

La GiuRu sustegna tes project rumantsch. Ans trametta tia dumonda en lingua rumantscha cun ils suandants puncts:

  • intent dal project
  • budget
    • expensas
    • entradas
    • summa giavischada cun curta argumentaziun e furma (contribuziun directa, garanzia da deficit, credit)
  • indicaziuns persunalas
    • num, prenum
    • num da l'orginasiaziun, uniun
    • adressa da correspundenza
    • contact (e-mail, numer da telefon)
    • indicaziuns da la banca

Questas infurmaziuns pos ti trametter a giuru@giuru.ch

dapli

Lia Rumantscha

Uniun tetgala da tut la Rumantschia, sez en la chasa rumantscha a Cuira. La Lia Rumantscha sustegna la GiuRu finanzial cun 20'000.- CHF.

YEN/JEV

Uniun tetgala da minioritads linguisticas, naziunalas ed etnicas en l’Europa cun sedia a Berlin.

Europeada

Per tut quels che giogan gugent ballape ed emprendan gugent ad enconuscher autras culturas e minoritads datti l'Europeada. Quest turnier ha lieu mintga quatter onns en in auter lieu. Dapli infurmaziuns tar l'Europeada chattas ti sin la pagina da web dal CB Rumantsch

Nus discurrin rumantsch

Carta d'interpresas rumantschas cun products regiunals.

Posta Rumantscha

La Posta Rumantscha è ina glista da radund 600 adressas d'e-mail. Mintgin che ha registrà sia adressa, ha abunà la Posta Rumantscha. Quai vul dir: Ella u el po leger ils e-mails che auters scrivan a la glista e po sez scriver a tut ils abunents da la glista.

Telechargiar

Ils suandants documents pos ti telechargiar:

contact

Giuventetga Rumantscha
Hohenbühlweg 4
7000 Cuira

Gugent ans pos contactar per mail sut giuru@giuru.ch u cun il formular suandant: